Там ад выбуху абрынуўся пад’езд 5-павярховага дому. Загінулі сама меней шэсьць чалавек. Разбор завалаў, пад якімі могуць быць людзі, працягваецца.
У Белай Царкве, што за сто кілямэтраў на поўдзень ад украінскай сталіцы, загінула жанчына 1957 году нараджэньня.
У Кіеве пацярпелі сама меней 19 чалавек, у Белай Царкве — 8.
Зафіксаваныя прамыя трапляньні ў шасьці месцах, а таксама падзеньне абломкаў на 25 месцаў у Кіеве і Кіеўскай вобласьці. Пашкоджаны дамы, лякарні, аўтамабілі, уваход у мэтро.
Падобны ўдар Расея нанесла менш як тыдзень таму, 17 чэрвеня. Тады ў Кіеве таксама быў узарваны пад’езд жылога дому. У выніку той атакі ў Кіеве загінулі 28 чалавек (у тым ліку жыхары 23 зьнішчанага пад’езду) і больш за 140 атрымалі раненьні. Найстарэйшай загінулай быў 91 год, а наймаладзейшай ахвяры — 22 гады.
Форум