Як адзначаецца ў афіцыйным паведамленьні, у траўні намінальны сярэдні заробак у Беларусі склаў 2652,3 рубля.
Паводле выданьня «Позірк», гэта на 38,8 рубля больш (+1,5%), чым было ў красавіку (2613,5 рубля).
У Менску гэты паказьнік склаў 3504 рублі, у Менскай вобласьці — 2726, у Віцебскай вобласьці — 2229,8, у Горадзенскай — 2356,3, у Берасьцейскай — 2311,7, у Магілёўскай — 2253,1 і ў Гомельскай — 2253,1.
Найбольшыя заробкі (5711,6) зафіксавалі ў сфэры інфармацыі і сувязі (5711,6), у фінансавай і страхавой дзейнасьці (3894), у будаўніцтве (3268) і ў прафэсійнай навуковай і тэхнічнай дзейнасьці (3180).
Найменшыя заробкі ў траўні былі ў адукацыі (1934), у сфэры паслуг па часовым пражываньні і харчаваньні (1945,6) і ў галіне творчасьці, спорту і адпачынку (1988,4).
ГЛЯДЗІЦЕ ТАКСАМА: «Калі курс пачаў падаць, я спачатку перажывала». Распыталі беларусаў, як яны захоўваюць грошы пасьля падзеньня даляра